Усмонов Маруф Азамович

Усмонов Маруф Азамович 1965 йилда Фарғона вилояти Қўқон шаҳрида туғилган.

Миллати – ўзбек, маълумоти олий. 1990 йилда Харьков Юридик институтини ҳуқуқшунослик мутахассислиги бўйича тамомлаган.

Ўзбекистон Либерал Демократик партияси аъзоси.

Меҳнат фаолиятини 1990 йилда Фарғона шаҳар прокурорининг ёрдамчиси сифатида бошлаган, 1991-2004 йилларда Фарғона ва Тошкент вилоятлари прокуратуралари, Ўзбекистон Республикаси Бош прокуратурасида масъул лавозимларда ишлаган.

2004-2006 йилларда Қўқон шаҳар ҳокими, 2006-2010 йилларда Ўзбекистон Республикаси Олий Мажлиси Сенатининг Мудофаа ва хавфсизлик масалалари қўмитаси раиси, 2010-2014 йилларда Ўзбекистон Республикаси Олий Мажлиси Қонунчилик палатаси депутати сифатида фаолият олиб борган.

Кейинчалик Ўзбекистон Республикаси Президентининг Давлат маслаҳатчиси ўринбосари, Ўзбекистон Республикаси Судьялар олий кенгаши раиси вазифаларида ишлаган.
2018 йилнинг апрель ойидан Фарғона вилояти Қўқон шаҳар ҳокими лавозимида ишлаб келмоқда.

Оилали, тўрт нафар фарзанди бор.